සෞඛ්‍ය අංශ මෑතකාලීනව වාර්තා කරන පරිදි ඩෙංගු, චිකුන්ගුන්‍යා, ඉන්ෆ්ලුවෙන්සා සහ පාචනය වැනි රෝගවලින් පෙළෙන කුඩා දරුවන්ගේ සංඛ්‍යාව සැලකිය යුතු ලෙස ඉහළ ගොස් ඇත.
රිජ්වේ ආර්යා ළමා රෝහලේ ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා මේ තත්ත්වය පැහැදිලි කරමින් කියා සිටියේ පසුගිය කාලයේ දිගින් දිගටම පැවති වර්ෂාපතනය මෙයට ප්‍රධාන හේතුවක් බවයි.
එපමණක් නොව, වයස අවුරුදු හය ඉක්මවූ දරුවන් අතර අධික රුධිර පීඩනයෙන් පෙළෙන දරුවන්ගේ වාර්තා වීම ද වැඩි වෙමින් පවතින බව වෛද්‍යවරයා වැඩිදුරටත් පෙන්වා දෙයි.
