2025 ඉන්දීය ප්රිමියර් ලීග් ක්රිකට් තරගාවලියේ පළමු තරගය ජය ගැනීමට රෝයල් චැලෙන්ජර්ස් බැංගලූර් කණ්ඩායම ඊයේ සමත් විය.
එම තරගයේ පළමුවෙන් පන්දුවට පහරදුන් කොල්කටා නයිට් රයිඩර්ස් කණ්ඩායම නියමිත පන්දුවාර 20 තුළ කඩුළු 8ක් දැවී ලකුණු 174ක් රැස්කර ගැනීමට සමත් විය.
එහිදී නායක අජින්කියා රහානි පන්දු 31කදි ලකුණු 56ක් රැස්කර ගැනීමට සමත් විය.
ඊට දැවැන්ත හයේ පහර 4ක් සහ හතරේ පහර 6ක් ද ඇතුළත් වේ.
අනතුරුව පිටියට පැමිණි රෝයල් චැලෙන්ජර්ස් බැංගලූර් කණ්ඩායම පන්දුවාර 16යි පන්දු 2කදී කඩුළු 3ක් දැව ලකුණු 177ක් රැස්කර ගෙන තරගය ජය ගැනීමට සමත් විය.
බැංගලූර් කණ්ඩායම වෙනුවෙන් විරාට් කෝලි නොදැවී ලකුනු 59ක් රැස්කර ගත්තේය.
ඊට දැවැන්ත හයේ පහ 3ක් සහ හතරේ පහර 4ක් ද ඇතුළත් වේ.
