බස් ගාස්තු සියයට 2කින් අඩු කිරීමට පියවර ගන්නා බව රජය විසින් අද (ජූනි 25) බස් සංගම් වෙත දැනුම්දී තිබෙනවා. මෙම යෝජනාව ඉදිරිපත් කර ඇත්තේ, ප්‍රවාහන අමාත්‍යාංශයේ බලධාරීන් සහ බස් සංගම් අතර අද පස්වරුවේ පැවති සාකච්ඡාවකදීයි.

ජූලි 01 වනදා සිදු කිරීමට නියමිත වාර්ෂික බස් ගාස්තු සංශෝධනය සම්බන්ධයෙන් සාකච්ඡා කිරීම සඳහා මෙම හමුව සිදු වුණා.

කෙසේවෙතත්, රජයේ යෝජනාවට බස් සංගම් සිය අකමැත්ත පළකර ඇති බව සඳහන්.

යම් ලෙසකින් බස් ගාස්තුව 2%කින් අඩු කළහොත්, පළමු සහ දෙවන ගාස්තු කලාපවල (minimum fare) කිසිදු සංශෝධනයක් සිදු නොවනු ඇති අතර, ඉන් ඉදිරියට පවතින ගාස්තු කලාපවල පමණක් සංශෝධනයක් සිදුවනු ඇතැයි වාර්තා වේ.

බස් ගාස්තු අඩු කිරීම සම්බන්ධයෙන් රජය සහ බස් සංගම් අතර අවසන් තීරණයක් ගන්නේ කෙසේද යන්න පිළිබඳව ඉදිරියේදී දැනගැනීමට හැකිවනු ඇත.