මහනුවර ඓතිහාසික ඇසළ පෙරහැරේ සිව්වන කුඹල් පෙරහැර අද (අගෝස්තු 02) දින වීථි සංචාරය කරනු ලබයි. ඒ සඳහා ක්‍රියාත්මක වන රථවාහන සැලැස්ම සහ විකල්ප මාර්ග පිළිබඳව පොලීසිය විසින් නිවේදනයක් නිකුත් කර තිබෙනවා.
රථවාහන සැලැස්ම සහ විකල්ප මාර්ග:
- කටුගස්තොට සිට මහනුවර නගරයට (බර වාහන):
- මහයියාව හන්දියෙන් තිලක් රත්නායක මාවත ඔස්සේ පොලිසිය හන්දියෙන් මහනුවර නගරය වෙත ගමන් කළ හැකිය.
- කටුගස්තොට සිට මහනුවර නගරයට (සැහැල්ලු වාහන):
- ඩී.එස්. සේනානයක වීදිය ඔස්සේ පැමිණ හරස් වීදිය ඔස්සේ යටිනුවර වීදියට පැමිණ දකුණට හැරී මීරමක්කම් පල්ලිය අසලින් වමට ධාවනය කර තිලක් රත්නායක මාවත ඔස්සේ ගමන් කළ හැකිය.
- කටුගස්තොට දෙසට පිටවන වාහන:
- පොලිසිය හන්දියෙන් තිලක් රත්නායක මාවත ඔස්සේ මහයියාව දෙසට ගමන් කළ හැකිය.
- තැන්නේකුඹුර හා අම්පිටිය දෙසින් පැමිණෙන වාහන:
- සංඝරාජ මාවත ඔස්සේ වේල්ස් පාර්ක් හන්දියට පැමිණ ඇහැලේපොළ කුමාරිහාමි මාවතෙන් දකුණට හැරී බෝගම්බර, දුම්රියපොළ අසලින්ද කොළඹ දෙසට ගමන් කරන වාහන වම් පසටද, නගරය දෙසට ගමන් කරන වාහන දකුණු පසටද ගමන් කළ හැක.
- එසේම රජපිහිල්ල මාවත හන්දියෙන් පල්ලිය පාර ඔස්සේ මහනුවර නගරයට ඇතුළු විය හැකිය.
- නගරයේ සිට අම්පිටිය, තෙල්දෙණිය මාර්ගයේ ගමන් කරන වාහන:
- ඔරලෝසු කණුව වටරවුමෙන් දළඳා වීදිය ඔස්සේ පැමිණ රැජිණ හෝටලයේ පැති දොරටුව අසලින් ජෝයි බෝට්ටු සේවය පසු කර සංඝරාජ මාවත ඔස්සේ ගමන් කළ හැක.
- තවද, බෝගම්බර වටරවුමේ ඇහැලේපොළ කුමාරිහාමි මාවත, රජපිහිල්ල මාවත, වේල්ස් පාර්ක් හන්දිය හරහා සංඝරාජ මාවත ඔස්සේ අම්පිටිය හා තැන්නේකුඹුර දෙසට ගමන් කළ හැකිය.
- පල්ලිය පාර දෙපසට ගමන් කිරීමට හැකි පරිදි බෙදා වෙන් කර ඇත.
- කොළඹ දෙසින් ඇතුළු වන හා මහනුවර නගරයෙන් කොළඹ දෙසට පිටවන වාහන:
- පරණ පේරාදෙණිය පාර හා විලියම් ගොපල්ලව මාවත ඔස්සේ ගමන් කළ හැකිය.
මහනුවර ඓතිහාසික ඇසළ පෙරහැර මංගල්‍යය 2025 ජූලි 30 වන දින ආරම්භ කර අගෝස්තු 08 වන දින දක්වා වීථි සංචාරය කරනු ලබයි. ඒ වෙනුවෙන් ශ්‍රී ලංකා පොලීසිය විසින් විශේෂ ආරක්ෂක වැඩපිළිවෙලක් සහ රථවාහන සැලැස්මක් ක්‍රියාත්මක කරන බව පොලීසිය පවසයි. ඒ සඳහා මාර්ග බාධක, ආරක්ෂක රාජකාරි, රථ වාහන හා පුද්ගලයින් පරීක්ෂා කිරීම, සංචාරකයින්ට මග පෙන්වීම සහ රථ වාහන ගාල් කිරීම් ඇතුළු විශේෂ වැඩපිළිවෙලක් දියත් කර තිබෙනවා.
