ශ්‍රී ලංකා රේගුව විසින් රඳවාගෙන සිටින තෝරාගත් BYD වාහන මාදිලි කිහිපයක් බැංකු ඇප මත නිදහස් කිරීමට රේගුව එකඟ වී තිබෙනවා. මෙම තීරණයට එළඹී ඇත්තේ, BYD වාහනවල මෙරට බලයලත් බෙදාහරින්නා වන John Keells CG Auto (JKCG) විසින් පසුගිය අගෝස්තු 04 දින අභියාචනාධිකරණය හමුවේ ගොනු කළ රිට් පෙත්සමක් විභාගයට ගත් අවස්ථාවේදීයි.

මෙම තීරණය සම්බන්ධයෙන් JKCG සමාගම විසින් නිකුත් කරන ලද නිල ප්‍රකාශයේ සඳහන් වන්නේ, ඔවුන්ගේ නීතිඥ කණ්ඩායම විසින් ගනු ලැබූ පියවරවල ප්‍රතිඵලයක් ලෙස රේගුව මෙම වාහන නිදහස් කිරීමට එකඟ වූ බවයි. එමෙන්ම, මෙම ක්‍රියාවලිය හැකි ඉක්මනින් සම්පූර්ණ කර, පාරිභෝගිකයින්ට ඔවුන්ගේ වාහන ලබා දීමට කටයුතු කරන බවද එම ප්‍රකාශයේ දැක්වේ.

මෙම තීරණය, BYD වාහන අපේක්ෂාවෙන් සිටි පාරිභෝගිකයින්ට මෙන්ම වාහන වෙළඳපොළට ද ශුභවාදී පණිවිඩයක් ලබා දෙයි.