වසර 28කට පෙර හිම කුණාටුවක් අතරතුර අතුරුදන් වූ පුද්ගලයෙකුගේ සිරුරක් පාකිස්තානයේ ග්ලැසියරයක් තුළ තිබී සොයාගෙන තිබෙනවා.
මෙම පුද්ගලයා 1997 ජූනි මාසයේදී සිය සොහොයුරා සමඟ අශ්වයෙකු පිට මෙම ප්‍රදේශයේ ගමන් කරමින් සිටියදී අනතුරට ලක්ව ග්ලැසියර කුහරයකට වැටී අතුරුදන්ව ඇති බව විදෙස් මාධ්‍ය වාර්තා කරයි. මියගිය පුද්ගලයා සොයා මෙහෙයුම් දියත් කළද, එකල සිරුර සොයා ගැනීමට නොහැකි වූ බව ඔහුගේ සොහොයුරා මාධ්‍ය වෙත අදහස් දක්වමින් පැවසුවා.
වසර 28කට පසු හමුවූ මෙම සිරුරේ හෝ ඇඳුම්වල කිසිදු හානියක් නොවී නොවෙනස්ව තිබීම විශේෂත්වයක්. ඉස්ලාමාබාද්හි කොම්සැට්ස් විශ්වවිද්‍යාලයේ මහාචාර්යවරයෙකු මේ පිළිබඳව අදහස් දක්වමින් කියා සිටියේ, ශරීරයක් ග්ලැසියරයකට වැටුණු විට, අධික සීතල නිසා එය වේගයෙන් කැටි ගැසෙන බවත්, එමගින් දිරාපත්වීමේ ක්‍රියාවලිය නතර වන බවත්ය.
