ජාත්‍යන්තර මාස්ටර්ස් ලීග් තරගාවලියේ ශූරතාව හිමිකර ගැනීමට සචින් ටෙන්ඩුල්කාර් ප්‍රමුඛ ඉන්දීය මාස්ටර්ස් කණ්ඩායම පසුගියදා සමත් විය. ඔවුන්ගේ ප්‍රතිවාදීන් වූ බටහිර ඉන්දීය කණ්ඩායම සමග පැවැති අවසන් පූර්ව තරගය පරාජය වීමත් සමග පැවැති කතාබහකදී ශ්‍රී ලංකා නායක කුමාර් සංගක්කාර, තමන් ඉදිරි වසරේදීත් මාස්ටර්ස් ලීග් තරගාවලිය ක්‍රීඩා කිරීමට කැමැත්තෙන් සිටින බව ප්‍රකාශ කළේ ය.
තරගාවලියට සහභාගී වූ කණ්ඩායම් අතර ප්‍රබල කණ්ඩායමක් වූ ශ්‍රී ලංකා කණ්ඩායම මූලික වටයේ ප්‍රසාද ලකුණු සටහනේ ප්‍රථම ස්ථානය ලබමින් අවසන් පූර්ව වටයට සුදුසුකම් ලැබීය. ප්‍රබල පිතිකරණ බලඇණියකින් සමන්විත වූ ඔවුන් අතරින් නායක කුමාර් සංගක්කාර සහ අසේල ගුණරත්න තරගාවලියේ ලකුණු 200 සීමාව පසුකළ අතර සංගක්කාර සහ උපුල් තරංග ශතකලාභීන් වූහ.
අවසන් පූර්ව තරගය අවසානයේ සංගක්කාර සිය කණ්ඩායම් සගයින් අමතමින් ඔවුන් තරගාවලිය පුරා කළ දායකත්වයට ප්‍රශංසා කළ අතර හැකි නම් ඉදිරියටත් මෙම තරගාවලිය ක්‍රීඩා කිරීමට තමන් බලාපොරොත්තු වන බව ද ප්‍රකාශ කළේ ය. “අවාසනාවන්ත විදියට අපි පරාජය වුණා. මට ගොඩක් සතුටුයි ඔයාලා එක්ක ආයෙත් සෙල්ලම් කරන්න ලැබීම ගැන. ඔයාලා හොඳ ක්‍රිකට් එකක් සෙල්ලම් කළා. මම බලාපොරොත්තු වෙනවා මේක තව තරගාවලි දෙක තුනක් සෙල්ලම් කරන්න. ඒ නිසා ශරීර සෞඛ්‍ය පවත්වා ගන්න.” ඔහු සිය කණ්ඩායම හමුවේ තවදුරටත් පැවැසීය.
අවසන් මහා තරගයේදී ප්‍රථමයෙන් පන්දුවට පහරදුන් කොදෙව් පිල ලකුණු 148ක් ලබා ගත් අතර, එම ඉලක්කය කඩුලු 4ක් පමණක් දැවී හඹායාමට ඉ
