ඇමෙරිකා එක්සත් ජනපදයේ හිටපු බ්රිතාන්ය තානාපතිවරයෙකු වන පීටර් මැන්ඩෙල්සන් සාමිවරයා, රජයේ නිල කාර්යාලයක් තුළ සිදුකළ විෂමාචාර ක්රියාවක් සම්බන්ධයෙන් එල්ල වූ චෝදනා මත ලන්ඩන් පොලිසිය විසින් අත්අඩංගුවට ගෙන තිබේ.
72 හැවිරිදි වියේ පසුවන ඔහු උතුරු ලන්ඩනයේ කැම්ඩන්හි පිහිටි සිය නිවසේ රැඳී සිටියදී ඊයේ (23) මෙලෙස පොලිස් භාරයට ගෙන ඇති බව විදෙස් මාධ්ය වාර්තා කරයි.
මෙම අත්අඩංගුවට ගැනීමට ප්රධානතම හේතුව වී ඇත්තේ මැන්ඩෙල්සන් සාමිවරයා රජයේ අමාත්යවරයෙකු ලෙස කටයුතු කළ සමයේදී, දණ්ඩනයට ලක්වූ ලිංගික අපරාධකරුවෙකු සමඟ සමීප සබඳතා පැවැත්වූ බවට එල්ල වී ඇති බරපතළ චෝදනාවයි.
මීට පෙර ඇමෙරිකාවේ බ්රිතාන්ය තානාපතිවරයා ලෙස රාජ්ය තාන්ත්රික සේවයේ නියැලී සිටි ඔහුට එරෙහිව පැන නැගුණු විවිධ විනය විරෝධී චෝදනා හේතුවෙන් පසුගිය වසරේ සැප්තැම්බර් මාසයේදී ඔහුව එම ධුරයෙන් ද පහ කිරීමට පියවර ගැනුණි.
රාජ්ය සේවයේ ගෞරවය කෙළෙසන අයුරින් කටයුතු කිරීම සහ අපරාධකරුවන්ට අනුබල දීම වැනි චෝදනා සම්බන්ධයෙන් ඔහුගෙන් දැනට ප්රශ්න කිරීම් සිදු කෙරෙන අතර, මෙම පුවත බ්රිතාන්ය දේශපාලන ක්ෂේත්රය තුළ දැඩි ආන්දෝලනයක් මතු කිරීමට සමත්ව තිබේ.
