ඇමෙරිකාවේ ඔර්ලන්ඩෝ ගුවන් තොටුපළේදී ගුවන්ගත වීමට සූදානම්ව තිබූ මගී ගුවන් යානයක හදිසියේ ගින්නක් හටගෙන ඇත. විදෙස් මාධ්‍ය වාර්තා කරන පරිදි, ගින්න ඇතිවන අවස්ථාවේ යානයේ මගීන් 300ක් පමණ සිටියහ.
ඩෙල්ටා ගුවන් සමාගමට අයත් එයාර්බස් A330 වර්ගයේ 1213 දරණ යානයේ දකුණු එන්ජිමේ මෙම ගින්න හටගෙන තිබේ. කඩිනමින් ක්‍රියාත්මක වූ ගුවන් තොටුපළ බලධාරීන් සියලු මගීන් වහාම යානයෙන් පිටතට ගෙන ඇති අතර, කිසිදු මගියෙකුට අනතුරක් සිදුවී නොමැති බව වාර්තා වේ.
ගින්නට හේතුව මෙතෙක් අනාවරණය වී නොමැති බව විදෙස් මාධ්‍ය වැඩිදුරටත් පවසයි.
