ප්රමිතියෙන් තොර ප්රතිදේහ එන්නත් මිලදී ගැනීම තුළින් රජයේ මුදල් සාවද්ය පරිහරණය කළේ යැයි චෝදනා ලැබ සිටින හිටපු අමාත්ය කෙහෙළිය රඹුක්වැල්ල ඇතුළු විත්තිකරුවන් ඇප මත මුදාහරින ලෙස කොළඹ ත්රිපුද්ගල මහාධිකරණ විනිසුරු මඩුල්ලක් අද (සැප්තැම්බර් 16) නියම කළා.
කොළඹ මහාධිකරණ විනිසුරු මහේෂ් වීරමන්, ප්රදීප් අබේරත්න සහ අමාලි රණවීර යන මහත්වරුන්ගෙන් සමන්විත ත්රිපුද්ගල මහාධිකරණ විනිසුරු මඩුල්ල විසින් මෙම නියෝගය නිකුත් කරන ලදී.
එක් එක් විත්තිකරු රුපියල් ලක්ෂ 5 බැගින් වූ මුදල් ඇප සහ රුපියල් ලක්ෂ 50 බැගින් වූ ශරීර ඇප දෙකක් මත මුදාහැරීමට නියම කෙරුණා. එමෙන්ම, විත්තිකරුවන්ගේ විදේශ ගමන් තහනම් කළ අධිකරණය, ඔවුන්ගේ විදේශ ගමන් බලපත්ර අධිකරණයට භාරදිය යුතු බවටද නියෝග කළා.
මීට පෙර, නියෝජ්ය සොලිසිටර් ජෙනරාල් ලක්මිණි ගිරිහාගම මහත්මිය අධිකරණය හමුවේ කියා සිටියේ, විත්තිකරුවන් ඇප මත මුදාහැරීමට නීතිපතිවරයා විරුද්ධ වන බවයි. කෙසේ වෙතත්, දෙපාර්ශ්වය විසින් ඉදිරිපත් කළ කරුණු සලකා බැලීමෙන් පසුව අධිකරණය නීතිපතිවරයාගේ ඉල්ලීම ප්රතික්ෂේප කරමින් මෙම නියෝගය ලබා දුන්නා.
