විවාදාත්මක හියුමන් ඉමියුනොග්ලෝබියුලීන් ඖෂධය තුළ මනුෂ්ය ශරීරයට අහිතකර මාරාන්තික බැක්ටීරියා අඩංගු වී ඇති බවත්, පිළිකා නාශක රිටොප්සිමැප් (Rituximab) ඖෂධයේ ලුණු වතුර පමණක් අඩංගු බවත්, ලෝක සෞඛ්ය සංවිධානයේ අනුමැතිය හිමි ජර්මානු රසායනාගාරයකින් වාර්තා වී ඇති බව නීතිපතිවරයා අධිකරණයට දන්වා තිබෙනවා.
මෙම තොරතුරු හෙළිදරව් වූයේ, මෙම නඩුවේ ප්රධාන විත්තිකරු ලෙස නම් කර සිටින හිටපු සෞඛ්ය අමාත්ය කෙහෙළිය රඹුක්වැල්ලට එරෙහිව නඩුව මාලිගාකන්ද අධිකරණයේදී විභාගයට ගනිමින් සිටියදීයි.
මෙම හෙළිදරව්ව රට තුළ විශාල කම්පනයක් ඇති කර ඇති අතර, මහජන සෞඛ්ය ආරක්ෂාව පිළිබඳව දැඩි ප්රශ්න කිරීම් රැසක් මතු කර තිබෙනවා. මෙම සිද්ධිය සම්බන්ධයෙන් තවදුරටත් පරීක්ෂණ ක්රියාත්මක වනු ඇත.
