ඝාතනයට ලක් වූ අයතුල්ලා අලි කමේනිගේ අනුප්රාප්තිකයා ලෙස ඔහුගේ පුත්රයෙකු වන මොජ්තාබා කමේනි (Mojtaba Khamenei) පත් කිරීමට ඉරාන බලධාරීන් පියවර ගෙන ඇති බව රොයිටර් පුවත් සේවය වාර්තා කරයි. ඉරානයේ ඉහළම තීරක මණ්ඩලය වන 88 දෙනෙකුගෙන් සමන්විත ‘විශේෂඥයන්ගේ සභාව’ (Assembly of Experts) ඊයේ (08) රැස්වී සිදුකළ රහස්ය ඡන්ද විමසීමකදී මෙම තීරණය ගෙන තිබේ.
මොජ්තාබා කමේනි කලක පටන් ඉරානයේ බලගතු චරිතයක් ලෙස සැලකුණු අතර, ඔහු සිය පියාගේ පාලන සමය තුළ එරට ආරක්ෂක අංශ සහ බුද්ධි අංශ මෙහෙයවීමේදී තිරය පිටුපස සිට විශාල බලපෑමක් සිදුකළ පුද්ගලයෙකි. පූජකවරයෙකු මෙන්ම ප්රකෝටිපති ව්යාපාරිකයෙකු ලෙසද ප්රකට ඔහු, ඉරානයේ දැවැන්ත ආර්ථික ජාලයන් ගණනාවක පාලනය හොබවනු ලබයි.
දේශපාලන විචාරකයින් පෙන්වා දෙන්නේ මෙම පත්කිරීමත් සමඟ ඉරානයේ පාලන බලය තවදුරටත් දැඩි මතධාරී අංශ සතුවම පවතිනු ඇති බවයි. විශේෂයෙන්ම මැදපෙරදිග කලාපය තුළ පවතින උණුසුම් යුද වාතාවරණය හමුවේ, මොජ්තාබා කමේනිගේ පත්වීම ඉරානයේ ඉදිරි යුද සහ විදේශ ප්රතිපත්ති තවදුරටත් දැඩි කිරීමට හේතු වනු ඇතැයි අපේක්ෂා කෙරේ.
